FANYA MAMBO HAYA KUEPUKA KUJILINGANISHA NA WATU WENGINE.
Tunaishi kwenye dunia ambayo kuona au kufahamu
hatua, maendeleo na mafanikio ya watu wengine ni rahisi sana. Hali hii imefanywa
kuwa rahisi kutokana na kuwepo kwa mitandao na intanet.
Kupitia mitandao unaweza
kujua, mtu fulani anawaza nini, anapenda nini, yupo katika kipindi gani na
mengine mengi sana.
Ulisha wahi kuona mtu anaamka asubuhi tu anapost mtandaoni,
hivi ndivyo naamka sasa, akipiga mswaki anapost, akianza kutumia chai anapost,
akila chakula cha mchana anapost, akienda kutembea sehemu anapost, akitumiwa
ujumbe wa kupongezwa au kusifiwa anapost, akutumiwa hela anapost, akisaidia watu
anapost, akiachwa anapost, akikorofishana na mtu anapost, akitumia chajio anapost, akiwa
anaangalia muvi anapost, akienda kulala anapost na hapo anaweza kupost hadi
alichoota kwenye ndoto akiwa amelala.
Huko status utakuta imejaa yaani, ni
full kupost. Naomba tuelewane vizuri hapo si kwamba nakataa kupost noo! Tena nasema noo! Nachotaka
uone kuwa wakati mwingine unaweza kufuatilia maisha ya mtu na kumfahamu kupitia
mitandao ya kijamii peke yake.
Hapa kuna kitu cha kijifunza kwamba huwa unapost nini
kwenye mitandao yako? Kumbuka unaweza kuharibu au kutengeneza maisha ya watu kutokana na kile unapost, lakini pia watu watakujua wewe ni wa
namna gani, hata kama wewe hukumaanisha hivyo.
Kumbe hapo post zako zinapaswa
kuwa vile ambavyo unataka watu wakuelewe. Okey ngoja tusonge mbele
kidogo, sasa kama hii ya kuona na kufahamu maisha ya
watu wakipost kwenye mtandao na wengine kukutana nao ana kwa ana
imewafanya watu wengi sana kujilinganisha na kila mtu anaye muona mitandaoni au
kukutana naye.
Tambua kuwa kwenye mitandao utaona watu wanapost
wakila bata, wako beach, wana magari ya kifahari, wanazungumza vizuri, wanaimba
vizuri, wanafundisha vizuri n.k, utaona karibia kila kitu wana kuzidi an. Na unaweza
kufikiria kuwa huna kitu chochote wala wewe si lolote mbele ya watu wengine, yaani kama vile umechelewa maisha haswa.
Ndugu yangu kuna vitu unapaswa kuvitambua kabla ya
kujilinganisha na watu wengine, ambavyo ni;
1. Wewe
una ndoto na malengo tofauti kabisa na wengine.
Hili ni kosa kubwa sana ambalo watu wengi hulifanya hasa wanapoona watu walio
wazidi wanafanya vitu vikubwa kuliko wao na wanaanza kujilinganisha moja kwa moja,
bila kujua kuwa kila mtu ana kipaji, ndoto na malengo tofauti kabisa na watu
wengine. Kwa vyovyote vile watu hatuwezi kufanana na hatutafanana kabisa.
Kwa
maana hiyo, kila mtu ana njia yake katika kuyaendea mafanikio yake. Hivyo usitake
kujilinganisha na watu wengine kwasababu hujui kunasiri gani nyuma ya mafanikio
yao walipofikia.Pia, tambua kuwa kuwa kila mtu anaukurasa wake katika kuanza
hadi kuyafikia mafanikio yake. Ukurasa wa 100 wa mtu mwingine kwako unaweza
ukawa ni ukurasa wa tano au wa kwanza kwa mtu mwingine.
Hivyo kabla ya
kujilinganisha na watu wengine jiulize kuwa, hivi tunafanana? Je tuna ndoto
sawa? Je tuna vipaji vinavyofanana? Je tuna malengo sawa sawa? Kama ni ndiyo ma swali hayo hapo juu basi ni halali yako kujilinganisha asee.
Na
katika hili kuna kitu cha ajabu kweli watu wanataka kuwa kama watu fulani na
kufanikiwa bila hata kufanya kazi. utashangaa mtu anaona mtu fulani anaimba au
anafundisha vizuri na pengine amefanikiwa sana mtu huyo anataka na yeye kesho
aamke anaimba vizuri, anafundisha vizuri au amefanikiwa sana, tena iwe hivyo
kwa siku moja tu. Hahahahahaaa ngoja kwanza ni cheke, hivi jamani hiki kitu kinawezekana kweli? Haiwezekani na hapa
ndipo watu wengi hukosea, eti unakuta mtu anatamani tu siku moja aamke
ameshafanikiwa tayari huku akiwa hayuko tayari kufuata mlolongo na mchakato wa
kuufikia ukuu anao uhitaji. Ni ngumu sana kama unabisha kawaulize wenyewe
wamefikaje ujionee mwenyewe.
2. Tambua
kuwa % kubwa ya watu wengi hawaishi uhalisia wao.
Rafiki si kwamba nasema kila mtu anaishi maisha ya maigizo pasipo uhalisia wowote wa
maisha yake hapana ! Lakini ninachotaka ujue kuwa, kuwepo kwa mitandao hii imefanya watu
wengi kuonekana wamefanikiwa sana kuliko wewe, wanapesa nyingi sana kuliko wewe
na wanaonekana wako na sura na maumbile mazuri sana kama vile walishushwa
kutoka mbinguni.
Lakini % kubwa siyo uhalisia na wengi wao wanaigiza katika hilo, kwani siku hizi kuna
vitu kama Adobe filter n.k vinaweza
kumbadilisha kabisa mtu na kuwa na sura kama malaika hata kama anachunusi kama
zote. Na kuwekewa urembo na mapambo kama yote. Hapo ndipo utakuja kuona mtu anakuwa
na taharuki baada ya kuona picha za watu wengine mtandaoni na kuona yeye hafai
au ana umbo baya, kumbe ni teknolojia tu!
Kwani kamera na vifaa vya
kidigitali mfano, iphone camera, canoon camera, infinix na mengine kibao
vinabadili uhalisia wao. Hivyo usihangaike kujilinganisha na watu wengine kwani
hujui mengi kuhusu wewe, pambana na hali yako upunguze stress.
Rafiki
ukiwa mtu wa kijilinganisha na maisha ya watu wengine utapata madhara mengi
ambayo yatakufanya wakati mwingine kushindwa kusonga mbele kabisa madhara
mengine ni pamoja na;
Utakosa uwezo wa kujiamini, kama tulivyoona hapa
kuwa kuna vitu vingi ambavyo utaona watu wanakuzidi hivyo kuna uwezekano mkubwa
sana wa kupunguza uwezo wako wa kujiamini ukiwa nao au ukiwa mbele yao.
Kitu kingine utakuwa ni mtu wa kukata tamaa mapema, na hapa utaona kama vile
hakuna hatua yeyote uliyoifanya katika kutimiza malengo yako na kuona watu
wengine wamepiga hatua sana hivyo utakuwa ni mtu wa kujikatia tamaa mwenyewe
tu. Lakini pia utajiona hauna thamani kabisa.
UFANYE NINI BADALA YA KUJILINGANISHA NA WATU WENGINE?
Swali
hili wameniuliza watu wengi sana na wengine baada ya kukutana na madhara ya
kujilinganisha na watu wengine, wakaamua kutafuta ufumbuzi wake ndipo
walipokutana na mimi, nami sikuwa na hiana. Hivyo huwa nawaambia jawabu la maswali yao na huonekana kuponyeka kabisa. Na wewe hapa
naenda kukupa dozi nzima ya changamoto hii.Twende pamoja sasa;
Kujilinganisha
na watu wengine ni silaha inayo angamiza, kuzima na kuua ndoto za watu wengi sana,
wewe usiwe mmoja wao watakao angamizwa na silaha hii.
Pamoja
na hayo yote ukifika hatu ya kujilinganisha na watu wengine fanya yafuatayo;
1. Jifanyie tathimini yako mwenyewe (self-evaluation).
Kwa kuwa kila mtu
anamalengo na ndoto tofauti na watu wengine, hivyo hupaswi kujilinganisha na wengine
badala yake jifanyie tathimini kati yako na wewe wa jana yako. Kutokana na malengo uliyojiwekea. Mfano mwaka
jana labda ulijiwekea kuwa baada ya mwaka mmoja utakuwa umefungua biashara
fulani au utakuwa umeongeza ujuzi fulani na mwaka utakapofika badala ya
kujilinganisha na wengine yakupasa uwe ni mtu wa kujikagua kuwa nilikwama wapi
na nimefanikiwa wapi?
Ulipofanikiwa shukuru na ulipokwama tafuta sababu ni nini
kisha jifunze na fanyia kazi hapo utafikia ukuu unao utaka mapema sana kuliko
kubabaika na mafanikio ya watu wengine. Yaani, usihangaike na matokeo ya watu
hangaika kutimiza ndoto zako.
2. Usiwaige Jifunze kutoka kwao. kumekuwepo na kasumba ya watu kuwaiga watu
wengine hadi namna wanavyo tembea, wanavyoongea, wanavyo vaa n.k, kitu hiki si
kizuri kabisa ukilinganisha na kwamba kila mmoja yupo na upekee wake. Sasa unapowaiga watu wengine unatuchanganya ujue.
Kitu kikubwa cha kufanya hapo si
kwamba uache kabisa kuwafuatilia watu waliokuzidi katika eneo lako hapana! Wafuatilie tena waulize wametoka vipi katika eneo hilo kisha jifunze then nenda kafanye
kitu bora kuliko wao na siyo kuwaiga asee.
Utatuchanganya sisi tunaokufatilia
bhana. Kitu hiki ni sawa na kusema kwamba 1+2=1 hiki kitu hakiwezekani. Eti mtu
anachukua ujuzi kwa mtu fulani akijumulisha na ujuzi wake bado tunapata ujuzi
wa mtu yule yule wa mwanzo duuh! Hiki kitu ndicho wazungu wanakiita plagiarism. Hapo sisi tunategemea tuone 1+2=3 kitu tofauti kabisa.
Ukweli
ni kwamba naweza kuzungumza mengi sana katika hili lakini tambua tu kwamba wewe
ni wewe na wengine ni wengine, umezaliwa tofauti na wao na unakitu cha tofauti
kabisa na wengine, ambao nao ni tofauti kabisa na wewe.
Kuwa wewe “be you”, wasikutishe
na mitandao yao, maisha yao, sauti zao na mafanikio yao bana, afu ujue wewe ni mtu
mkubwa sana kuliko hata wao eeh! Ni vile tu umeendekeza kujilinganisha na kuwaiga
wengine ambao kwanza ni watu wa kawaida tu. Ndiyo maana hatuoni maajabu yako sababu unajilinganisha na watu wengine.
Rafiki you have born an orginal don’t die a copy ” Umezaliwa halisi
usife ukiwa nakala fulani”. Nikuhakikishia kuwa ukijifunza kutoka kwa watu
waliokuzidi na kwenda kufanyia kazi na kufanya kitu cha kipekee utafanikiwa
sana kuliko kuwaiga na kujilinganisha na wengine kwani hiki ndicho chanzo cha
stress, kujidharau, kukata tamaa na hata kukosa thamani ya kuishi kwako.
Mungu
akupe ujasiri wa kuuishi uhalisia wako.
rafiki! ni matumaini yangu kuwa umejifunza kitu.
na kama unachangamoto katika hili pengine namna gani ya
kuondokana na adha hii wasiliana na mimi moja kwa moja kupitia mawasiliano hapo
chini naamini utasaidika.
GeT tO ThE nExT lEvEl!
Makala hii imeandaliwa na kuandikwa
na MIGONGO ELIAS Mshauri & Mwalimu Wa Saikolojia, Uchumi, maendeleo binafsi na maisha kwa ujumla.
Mwanzilishi na Mwendeshaji wa Mtandao wa addvaluenetwork. Karibu sana ujiongezee thamani yako.
Kwa
mawasiliano;
Whatsapp & Sim >>+255767653697 /+255783327456
Email>> eliasmigongo120@gmail.com.
Facebook>> MIGONGO ELIAS.
LinkedIn>>Migongoe.
Pinterest>>eliasmigongo.
Kama umejifunza kitu, niachie maoni yako nitafurahi
kujifunza pamoja na wewe.
.jpeg)
