KWANINI
HUWEZI KUPENDWA AU KUCHUKIWA NA KILA MTU?Ni hulka ya kila binadamu kutaka kupendwa na
watu wote popote anapokuwa.
Ndiyo maana utakuta watu wanafanya kila namna ili
tu kuwafurahisha watu wote popote waendako.
Na kama mtu atakosa upendo huu
kutoka kwa watu walio mzunguka, na utashangaa atakuwa na msongo wa mawazo (stress),
hasira kupita kiasi, wivu kupita kiasi, kujichukia, kuwa mnyonge sana, kujidharau
mwenyewe na mengine yanayofanana na hayo.
Watu wengi kwa kutaka kuwafurahisha watu wote na kulenga kupendwa na kila mtu kwa 100%, wamejikuta kwenye gubiko kubwa la kudharaulika na kuchukiwa zaidi.
Rafiki yangu mmoja alisikika akisema “kama
ukitaka kuwafurahisha wote basi jiandae kuwaudhi wote”. Soma tena uelewe tafadhli.
Sasa zipo sababu zinazosababisha watu wengine wasikupende hata kama
utafanya mengi ya kuwafurahisha said.
Hapa ndipo tunaenda kujibu swali letu la kwanini huwezi kupendwa au kuchukiwa na watu wote kwa 100%.
Na baada ya hapo nitatoa ufumbuzi wake, wa nini ufanye.
SABABU YA KWANZA:
MWONEKANO WAKO
(YOUR PHYSICAL APPEARANCE).
Mwonekano wa nje wa mtu, ni moja ya sababu
kubwa ya kuchukiwa au kupendwa na watu wengine.
Ukweli kuwa kila mtu yupo na
mapungufu na dosari zake.
Na watu wengine huwa na upendeleo wa mionekano fulani
wanayo itaka wao wenyewe.
Utakuta mtu anajichukia yeye mwenyewe au watu wengine
kwasababu ya kuwa na umbo kubwa au dogo sana, kuwa mfupi au mrefu sana, kuwa
mnene au mwembamba sana, kuwa mweusi sana au mweupe sana, kuwa na saizi ndogo au
kubwa ya pua, mdomo, mikono, miguu, macho, kifua n.k.
Ndugu yangu, hakuna mtu
ambaye ana mweonekano mzuri kwa 100%, hata watu wakubwa mashuhuri duniani
ukiwaangalia vizuri hata siyo wazuri wa kutisha sana ya wezekana hata wewe
unawazidi.
Hata hao warembo, mamisi wa dunia waulize wanatumia
muda gani kwenye kioo.
Yaani na sema hivi, kupitia mwonekano wako kuna watu wengi sana watakuchukia na hawatakupenda hata
uwabebe mgongoni.
Lakini ajabu ni kwamba kupitia huohuo mwonekano wako ambao
wewe na watu wengine mnauchukia kuna watu kibao watakufurahia na kukupenda kwa
mwonekano wako.
Ni sawa na kusema mwonekano wako ni sababu ya watu kukupenda au kukuchukia. Tambua huwezi kupendwa au kuchukiwa na watu wote kwa 100%.
SABABU YA PILI:
KILA MTU ANAVIGEZO NA
SIFA ZAKE ZA KUMPENDA MTU (EVERYONE
HAS, HIS OWN STANDARDS TO LOVE OTHERS.).
Hapa utakuta mtu mwingine
anapenda sana watu ambao ni smart muda wote.
Na hapa haijalishi yupo na
mwonekano gani ilimuradi ni msafi na yupo smart watu hawa huwaelewa sana, utakuta
mwingine anapenda watu wenye bidii ya kuchapa kazi, mwingine anapenda wenye
tabia nzuri, weusi, wafupi, warefu, wapole, waongeaji,wacha Mungu n.k.
Je wewe unapenda watu gani?
Sasa ukikutana na mtu ambaye
anakigezo cha kuwapenda wacha Mungu na wewe huna hiyo sifa hapo utachukiwa tu, na
ukikutana na mtu mwenye kuwapenda wafupi na wewe ni mrefu hapo utachukiwa tu na
mengine kama hayo.
Kwasababu ya standards na mitazamo fulani fulani ya watu kwa watu wengine, kwa sababu tu hujakizi vigezo vyao watakuchukia.
Hapo
nikushauri tu kuwa, watu wa namna hiyo usibabaike nao na wala wasikusumbue kwani kuna
mamilioni ya watu watakupenda hivyohivyo ulivyo.
Kitendo cha kila mtu kuwa na vigezo atakavyo
yeye kitendo hiki kimechangaia kwa kiasi kikubwa kutokuwepo kwa mtu mzuri au mbaya kuliko watu wote duniani.
SABABU YA TATU:
HISTORIA YAKO (YOUR HISTORICAL BACKGROUND).
Kila mtu yupo na historia fulani aidha ni ya
kufurahisha au kuhuzunisha, mbaya au nzuri n.k. mfano historia ya uchawi, ubakaji, ulevi
kupindukia, umalaya, umasikini, uganga, kukataliwa na kutengwa, kuwa yatima na
nyingine nyingi.
kitu hiki tu kuna watu wakifahamu kuhusu wewe watakuchukia na
wengine kukudharau kutokana na historia mbaya uliyo wahi kupitia.
Ulishawahi kuona
mtu wanaaminiana sana na rafiki yake lakini baada tu ya kufahamu kuwa alikuwa
mwizi na mbakaji, baada ya rafiki yake kujua tu anaanza kuishi naye kwa hofu na
kuogopa atabakwa au kuibiwa.
Na kinyume chake ni kweli kwa upande mwingine wa shilingi.
Kumbe kupitia historia yako
kuna watu watakuchukia na kukudharau kabisa lakini kuna watu watakusifia na
kukupenda kabisa kwa namna ambavyo umepambana na kufika hapo ulipo kutokana na historia yako.
SABABU NYINGINE NI KAMA: MASUALA YA
KIFEDHA, KIAFYA, ELIMU, CHEO, MAFANIKIO N.K
Elewa kuwa pamoja nakuziunganisha hizi pointi,
lakini hizi ni pointi ambazo zinaweza kusimama na kujitegemea kila moja kivyake.
Sema tu ni kwa namna ya kuokoa muda, pia nachotaka ujue kuwa vitu hivyo hapo juu
ukiwa navyo yawezakuwa ni afya nzuri, pesa nyingi, cheo kizuri, elimu nzuri kuna
watu pengine kutokana na figisu zao na wivu usio na maana wamejikuta
wakiwachukia au kuwapenda watu wengine.
Kumbe wakati mwengine watu watakuchukia au kukupenda kutokana na kufanikiwa kwako tu,
au kuwa na afya nzuri, kufundisha vizuri, kuzungumza vizuri utakuta watu
watakwambia unajifanya duuh! Ajabu kweli.
NINI CHA KUFANYA?
Tambua dosari na mapungufu ya mwonekano
wako na uyapende.
Watu wengi wamekuwa makini kuyafahamu
mapungufu na dosari za watu wengine huku wakijiweka pembeni kabisa kwa habari ya
dosari zao.
Aidha watu wamekuwa hawajui kabisa dosari na mapungufu yao kitu
hiki pekee wamejikuta wakiingia kwenye simanzi na migogoro na watu wengine mara
tu mapungufu yao wakisikia yanatajwa.
Kikubwa hapo ni kutambua mapungufu yako
na kuyakubali kisha weka mipaka watu wengine kutumia mapungufu na historia yako
kukuumiza.
Kuna usemi mmoja unasema “if you accept
yourself the way you are the world recognizes you” maana yake ni kwamba “kama
ukijikubali mwenyewe jinsi ulivyo dunia itakutambua”.
Epuka kumfurahisha kila mtu.
kwani watu wengi hawana shukurani hata kama utawafanyia mema mengi na makubwa
kiasi gani.
Elewa kwamba watu hawaliziki ukifanya jema watasema, ukifanya baya
watasema, ukiwasaidia watasema usipowasaidia watasema pia.
Hivyo huwezi
kuwafurahisha watu wote kwa kitendo kilekile kwa wakati mmoja. Kubwa jitahidi
kufanya lililo jema na linalompendeza Mungu. Binadamu ni watu ambao hawaridhiki
na kama ukitaka kuwafurahisha wote basi jiandae kuwaudhi wote.
Kubwa jitahidi
kufanya mema, yanayokupa furaha wewe na yanayompendeza Mungu.
Tambua kuwa wewe ni binadamu.
Kuwa
binadamu maana yake ni kutokuwa mkamilifu, kama binadamu mapungufu huwezi kukosa
na watu wanamapungufu yao na wewe unamapungufu yako, hivyo usitake kuonekana
umekamilika kwa kutaka kuwafurahisha watu wote. Kufanya hivyo utaishi maisha ya
utumwa na yasiyo yako. Ishi maisha yako bhana.
Mwisho nitumie nafasi hii kusema, kama
utatumia mapungufu na mionekano ya watu wengine, kuwakandamiza au kuwachukia
elewa kuwa jambo hili si zuri.
Kwani miili yetu hii tuliyo nayo ni nyumba ya
utu wetu wa ndani. Mtu halisi yupo ndani ya mwili wake na siyo huo mwili unao
uchukia, urefu wake, weupe wake, ufupi wake, Ngozi yake macho yake n.k. Kudhibitisha
hilo kuna watu wengi sana waliodhaniwa kuwa na mionekano na sura mbaya lakini wamefanya
makubwa na wamegusa maisha ya mamilioni ya watu.
Kama tukilifahamu hili hata katika kuolewa na
kuoa mwonekano na sura ya mtu isiwe kigezo pekee cha kutafuta mwenza wa maisha.
Badala yake angalila pia utu wake wa ndani, hapa ni pamoja na ndoto, malengo na
maono yake, nadhani itakufaa sana.
Au itakufaa nini kuoa au kuolewa na mme (mke)
mwembamba/mrefu ambaye si wa ndoto zako?
au itakufaa nini kuoa au kuolewa na mme(mke)
mweusi/mweusi ambaye si wa ndoto zako?
au itakufaa nini kuoa au kuolewa na mme(mke)
mrefu/mfupi ambaye si wa ndoto zako? N.k
Rafiki badilika, kisha tambue kuwa hata, uwe
mwema kiasi gani katika hii dunia huwezi kukubalika au kupendwa na watu wote
kwa 100%, vile vile huwezi kuchukiwa au kutokukubalika na watu wote kwa 100%.
Rafiki! ni
matumaini yangu kuwa umejifunza kitu.
na kama unachangamoto katika hili pengine namna
gani ya kuondokana na adha hii wasiliana na mimi moja kwa moja kupitia
mawasiliano hapo chini naamini utasaidika.
GeT tO ThE nExT lEvEl!
Makala hii
imeandaliwa na kuandikwa na MIGONGO ELIAS Mshauri & Mwalimu Wa
Saikolojia, Uchumi, maendeleo binafsi, na Maisha.
Mwanzilishi na Mwendeshaji wa Mtandao
wa addvaluenetwork.
Karibu sana ujiongezee thamani yako.
Kwa mawasiliano;
Whatsapp & Sim >> +255767653697
/+255783327456
Email>> eliasmigongo120@gmail.com.
Facebook>> MIGONGO ELIAS.
Facebook page>> add value network.
Kama umejifunza kitu, niachie maoni yako nitafurahi
kujifunza pamoja nawe.
.jpeg)
