HIKI NDICHO HUJUI KUHUSU KULALAMIKA.
Ndugu msomaji nakusalimu! Bila shaka u mzima na kama sivyo Ikawe heri kwako. Karibu tena
ndani ya addvaluenetwork tujifunza kwa pamoja ili kuongeza maarifa yatakayoongeza
thamani ya kila mmoja.
Kupitia mtanadano huu utajifunza mengi kuhusu uchumi,
saikolojia, maendeleo binafsi, na maisha kwa ujumla.
Kwani, wengi
wameripoti kujifunza na kuponywa katika changamoto zao. Hivyo nikukaribishe
sana na wewe upate kujifunza pamoja nasi. Uhakika wangu ni kwamba, hutabaki kama
ulivyo mara tu baada ya kusoma hapa.
Na kama utaweza mwalike na rafiki yako, na rafiki yako amwalike rafiki yake na yeye amwalike rafiki yake pia ili sote tujifunze.
Sasa leo nataka tujifunza kitu kimoja muhimu sana ambacho
utapata kitu cha kusonga nacho. Kitu hiki ni kulalamika.
Watu wengi wamekuwa
na kasumba ya kulaumu watu wengine, hasa wanapokutana na ugumu wowote katika
maisha yao au pengine mambo yao kutokwenda kama walivyo panga.
Hapo ndipo watatafuta
watu wa kuwalaumu mwanzo mwisho, huku
wakidai kuwa wao ni chanzo cha kushindwa kwao.
Atalaumu wazazi wake, pengine kwa
kutokumsomesha, kumlea au kufariki kwao, atalaumu serikali kwa kutokumwajiri,
atalaumu ndugu zake, atalaumu mke/mme wake, atalaumu, watoto wake, atalaumu
viongozi, atalaumu rafiki zake na
wengine huenda mbali sana kwa kumlaumu hadi Mungu kwa kuzaliwa Nchi
aliyozaliwa, kwa kuzaliwa na wazazi aliozaliwa nao, kwa kuwa na hali aliyo nayo
kwa sasa. Yaani, atalaumu kila kitu.
Kitu hiki siyo sawa, ndiyo maana leo addvaluenetwork
imeamua kukusogezea karibu mada hii ili uongeze maarifa yatakayo ongeza thamani
yako.
Nyuma ya kulalamika kuna mambo mengi ambayo pengine
unayafahamu au huyafahamu, kuhusu kulalamika ambayo leo ningependa ujifunze
kwayo.
Hivyo twende pamoja;
Jambo la kwanza;
Unalaumu mtu ambaye unaamini ana uwezo na
mamlaka kuliko wewe.
Kwa kawaida unapolaumu mtu yeyote katika kila
gumu unalokutana nalo, maana yake unachukua mamlaka na uwezo wako wa kupambana na gumu hilo unauhamisha na kumpa
unayemlalamikia.
By the way huwezi kulaumu huku ukasonga mbele. Hata katika maisha
kiujumla, kitu usicho kijua ni kwamba unamamlaka, nguvu na uwezo mkubwa wa
kukabiliana na changamoto yako.
Kama utaamua
kuwalaumu wengine juu ya tatizo lako, ni sawa na kuuambia ubongo wako kuwa
uwezo, nguvu na mamlaka hiyo husitahili kuwa nayo hivyo unachukua na kuhamisha
kwa mtu mwingine. Ambaye unamlaumu.
Hebu jiulize kupitia kulaumu
changamoto hiyo utaitatua kweli? Kama ni ndiyo endelea kulaumu, vinginevyo acha
siasa mara moja tafuta suluhisho ya changamoto yako asee.
Jambo la pili;
Unapolaumu wengine hata fursa ndogo ambazo
ungeweza kuzifanya hutaweza kuzifanya kabisa.
Unauwezo mkubwa
wa kushughulika na changamoto zako mwenyewe. Na pindi utakapouhamishia uwezo huo kwa mtu mwingine
ambaye unamlaumu, ubongo na akili yako itabaki kwenye freezing state ile hali ya kuganda na kushindwa kuchaji ili kufikiria njia mbadala ya kutatua shida yako.
Kwa maana kulalamika hakufanyi usonge mbele isipokuwa utabaki katika
hali hiyo hiyo miaka nenda miaka rudi ukilaumu watu.
Mbaya zaidi utashangaa
kuona watu wengine wakikatiza wanafanya jambo kama lako na kufanikiwa huku wewe
umebaki kulaumu tu, vinginevyo labda wakuonee huruma.
Jambo la tatu;
Kulamu wengine hakusaidii kutatua
tatizo lako.
Kuna namna watu tunategemeana katika kuendelea kwetu kwenye maisha yetu ya kila siku. Sasa hii sio pointi ya kuwalaumu wengine
kuwa, hawajafanya katika kutatua changamoto yako.
Ni kweli lakini tambua kuwa
hatutatui magumu yetu kwa kuwalaumu watu badala yake kwa kutafuta shuruhisho la
nini kifanyike ili kuimarisha au kutatua changamoto hiyo.
Halafu ngoja nikwambie, katika patternaship yeyote mambo kama hayaendi vyema kabla ya
kuwalaumu na kuwarushia mpira wengine hebu jiulize kuwa wewe umechangia kwa kiasi
gani kutokea kwa tatizo hilo, kuvunjika kwa mahusiano haya au kuanguka
kwa biashara yako.
Baada ya hapo jiulize pia, umejifunza nini? Na utabadilika
kwa namna gani ili kuepuka kuteswa na changamoto moja miaka yote?.
Ukisha shughulika na wewe kwanza ndipo unaweza kuangalia na mwenzako yeye kachangia
kwa kiasi gani katika hili. Hapo ndipo mtapata muda wa kuyajenga na kuimarisha biashara
yenu, ndoa yenu, mahusiano yenu, kazi yenu n.k .
Mara nyingi nimekuja gundua kuwa si
watu tunao walaumu ndiyo chanzo cha kushuka kwetu kama wengi wanavyodhani, bali
tatizo lipo kwetu wenyewe na asilimia
kubwa ya watu tunao walaumu na kuwa lalamikia hatukupaswa kabisa kuwa laumu.
Na kama hujui ukipenda kulalamika kwa kila kitu kwenye
maisha yako, utapoteza watu wengi sana kwa sababu watu hawapendi kulaumiwa na
mara nyingi hujitahidi kujitenga na walalamikaji.
Ndugu yangu yapo mengi katika hili lakini nachotaka ufahamu
ni kwamba maisha yako ni jumkumu lako mwenyewe kwa asilimia mia.
Kulaumu watu
hakutasaidia wewe kusonga mbele badala yake utajichelewesha na kupoteza muda tu
bure.
Katika hili usitegemee mtu
kutoka nchi za mbali ili kujakukufanyia jambo lako, usitegemee mtu atakuja na
kukufanyia hiyo biashara yako, hiyo elimu yako, wala hilo jambo ufanyalo badala
yake watu watakuja kwako kama daraja tu la wewe kupita na kujifunza kwao
jukumu la kuamua na kujifunza kwao kisha kufanya mwenyewe ni lako mwenyewe.
Wakati
mwengine wao ni kutoa funzo na ushauri kwako ukiamua kuufuata ni wewe usipoamua
ni wewe, si unajua maneno na ushauri mara nyingi huyolewa bure, lakini kuwa makini kuchagua unao faa tu.
ukibakikulaumu na kuwalalamikia watu utabaki kama ulivyo asee. Badilika pambana kwa nafasi yako, jifunze kwa
watu, kisha usonge mbele.
Rafiki, ni matumaini yangu kuwa umejifunza
kitu.
na kama unachangamoto katika hili pengine namna gani ya
kuondokana na adha hii sasa waweza kuwasiliana na mimi moja kwa moja kupitia
mawasiliano hapo chini naamini utasaidika.
GeT tO ThE nExT lEvEl!
Makala hii, imeandaliwa na kuandikwa na MIGONGO ELIAS
Mshauri & Mwalimu Wa Saikolojia, Uchumi, maendeleo binafsi, na Maisha. Mwanzilishi na
Mwendeshaji wa Mtandao wa addvaluenetwork. Karibu sana ujiongezee thamani yako.
Kwa mawasiliano;
Whatsapp & Sim >>+255767653697 /+255783327456
Email>> eliasmigongo120@gmail.com.
Facebook>> MIGONGO ELIAS.
Facebook page>> Add Value Network
Kama umejifunza kitu, andika "KUNA MAHALI NAENDA".
.jpeg)
