KATA TAMAA KUKATA TAMAA (GIVE UP TO GIVE UP)!
Kukata tamaa; Ni fikira zinazo mfanya mtu kukosa tumaini la kusonga
mbele au kuendelea kufanya kile alicho
jipangia kufanya, ili, kutimiza malengo yake. Fikira hizi humfanya mtu afikirie
kuwa, changamoto alizo nazo ni kubwa kuliko uwezo alionao wa kukabiliana nazo. Ni
hulka ya kila binadamu kupitia nyakati kama hizi za kukata tamaa. Hakuna
binadamu asiye pitia kipindi hichi kwa baadhi ya nyakati. Nyakati kama furaha, huzuni,
kukataliwa, kujichukia, kufeli, kudhalilika, kuheshimika, kudharaurika, kuwa
maarufu, kupendwa, kuchukiwa, kutaka msaada, kutoa msaada, kukosea, kusamehewa n.k. Ni sehemu ya maisha ya kila binadamu kwa baadhi ya nyakati. Nyakati kama hizi ndizo
huleta radha ya maisha. Vinginevyo maisha yangekosa radha kabisa. Na watu kwa
kushindwa kulitambua hili wamejikuta wakikata tamaa na kushindwa kuendelea tena
kwa yale waliyo jiwekea.
Zipo sababu zinazo wafanya watu wengi kukata tamaa na
kushindwa kusonga mbele katika kufanikisha mipango yao waliyo jiwekea ambazo ni;
1.
CHANGAMOTO
WANAZOKUTANA NAZO;
Pamoja
na kwamba changamoto ni sehemu ya maisha, watu wengi wanashindwa kukubaliana na
jambo hili. Ndiyo maana wamekuwa wakikata tamaa kila wanapo kutana na
changamoto. Jifunze hili na tambua kuwa changamoto zinapo kuja kwako, zinakuja na
somo au fundisho fulani kwako. Lijue funzo hilo ili uweze kufaidika na kila
changamoto unayo kutana nayo. Afu by the way, kukata tamaa ni dhambi ujue!
Thomas
Packet Mfanya biashara maarufu nchini mareka. Alifanya kazi kwa kujituma hadi kufikia
umri wa miaka 50 alikuwa Bilionea
tayari. Siku moja mfanya kazi wake mmoja alikutwa amekufa ofisini kwake. Uchunguzi
ulifanyika na iligundulika kuwa yeye ndiye aliye fanya mauaji hayo. Kesi ikafika
mahakamani, alitumia takribani pesa zake zote bila mafanikio hadi kufilisika. Hivyo
mahakama ikaamru Thomas afungwe kifungo cha maisha kwa kosa la mauaji hayo.
Baada
ya miaka kadhaa kupita, ikaja kugundulika kuwa Thom hakuhusika na kile kifo. Hivyo aliaachiliwa huru na kurudi tena mtaani. Thom alikuwa na afya mbovu
sana, umri ulikuwa umeenda na alikuwa tayari kashafilisika. Pia alikuwa hana
sehemu ya kwenda alikuwa analala mtaani katika gereji moja ya aliyekuwa rafiki
yake katika maeneo ya Washngton Marekani. Marafiki na watu wengine walimcheka sana
kwa kufilisika kwake.
Maisha
ya Thom hayakuwa si mazuri hata kidogo. Kutokana na changamoto hizo hakuona thamani ya kuishi tena. Alikosa maana
ya kuishi kwake na hivyo alikata tamaa na kuamua kujiua kwa kunywa vidonge 35
vya usingizi.
Baada
ya muda alikuja kuzinduka akajikuta yupo hoi, hospitali kwa kusaidiwa na
wasamalia wema.
Thom
alisema alipokuwa karibu na kukata roho, alisikia sauti ikimwijia na kumwambia mambo
mawili ambayo ni,
a) Maisha
yako ni wajibu wako wewe mwenyewe 100%, hivyo unauwezo wa kuyajenga au
kuyabomoa.
b) Mali
na fedha ambazo ulizipata hukuja nazo. Kuna mambo ulifanya na kuzipata, hata sasa
unaweza kufanya mambo hayo na ukapata tena zaidi ya mwanzo. Huna sababu ya kukata tamaa.
Kuanzia
hapo Thom hakuwa na tabia ya kutaka kukata tamaa tena. Aliamua kwenda kufanya
kazi kwa bidii na maarifa na baada ya Muda kupita alirudi tena katika utajiri
wake na alikuwa mtu tajiri zaidi ya alivyokuwa awali.
Kuna
mambo mengi sana ya kujifunza kutoka kwa huyu jamaa, yaani, pamoja na umri kwenda, kupoteza
mali na utajiri wote aliokuwa nao, kusingiziwa kesi ya mauaji, kukataliwa na
watu, magonjwa na mengine mengi. Changamoto hizi kwakweli hata wewe msomaji
zingekupata sijui ingekuwaje...
Lakini
tunaona kwa Bwana Packet ilikuwa tofauti kabisa, alipata Nguvu na kuendelea
mbele tena, kubwa zaidi akapata kile alicho kitaka tena alipata zaidi. Hivi packet
angekata tamaa ingekuwaje? Nadhani asingetimiza ndoto yake kabisa. Hivyo usikubali
kukata tamaa kizembe pambania ndoto yako. Tambua changamoto ni sehemu tu ya
maisha na haziji kukuumiza wala
kukukomoa bali zinakuja kukupa somo jifunze usonge mbele.
kujifunza zaidi namna ya kukabiliana na tatizo lolote bonyeza hapa
2.
MANENO
HASI WALIYOWAHI KUAMBIWA;
Wapo
watu wengi sana wamerudi nyuma na kukata tamaa kutokana na maneno waliyo wahi
kuambiwa. Maneno haya mara nyingi huwa ni Maneno hasi na yanakatisha tamaa
kwelikweli. Nunaweza ukawa umeambiwa na watu wako wa karibu sana. Mfano waalimu, ndugu, mwenza
wako, majirana n.k.
Na
watu hawa wanaweza wakawa walisha fanya jambo hilo na wakashindwa, hivyo kila ukitaka kujaribu
kufanya wanamwambia haiwezekani. Mara nyingi lengo lao huwa wanataka kukusaidia
ili usipate hasara kama wao walivyo pata hasara. Hapa kumbuka kabla hujapokea
ushauri wa namna hii usikubali kwa maana kila mtu anauwezo tofauti na wengine lakini pia, “watu hatufanani na hatuwezi kufanana”.
Lakini
wapo watu ambao wao huwa wameshindwa katika eneo hilo na hawataki mtu mwingine
afanikiwe kwani atawadhalilisha. Hivyo kila utakapo jaribu watakwambia
haiwezekani yaani, hawataki washindwe peke yao, watakwambia maneno hasi ili na wewe ukate tamaa.
Watu wengine ni wale watu wenye wivu wa kijinga ambao wanawaonea wenzao gere, katika kusonga
mbele, hawataki wengine wafanikiwe kama wao walivyofanikiwa watawakatisha tamaa
sana.
Kuwa
makini na wakatisha tamaa wa namna yeyote ile, iwe ni
wazazi, waalimu, rafiki, majirani n.k. Kataa kukata tamaa hadi mkatisha tamaa akate
tamaa. Kataa kisha jiamini mwenyewe, jitamkie maneno chanya na kataa maneno hasi
kwenye maisha yako. Hivi unafahamu kuwa kila neno moja hasi
ukitamkiwa linahitaji maneno 17 chanya ili kuliondoa?
3. HITILAFU
YA MIILI AU MAUMBILE YAO;
Nakosa
namna nzuri ya kuiweka pointi hii, lakini nina uhakika utanipata vizuri tu. Kuna
watu kutokana na maumbile yao, hitilafu walizo nazo aidha ni kwa kuzaliwa au
kwa kupata ukubwani katika maisha yao. Kitu hiki kimekuwa ni kikwazo kikubwa na
kisingizio lukuki cha watu wengi hata kukata tamaa katika kutimiza malengo yao.
Hivi
unamfahamu mwana dada mmoja anayeitwa Haben
Girma wa Marekani? Amezaliwa na tatizo la kutokuona (blind) pamoja na kutokusikia
(deaf). Haben tangu akiwa mtoto alikuwa na ndoto ya kuwa mwanasheria mkubwa sana
kuwahi kutokea. Ana wadogo zake ambao nao wanatatizo kama lake mama yake alikuwa
mkimbizi kutoka nchini Eritiria na anaishi marekani kama mkimbizi.
Haben
pamoja na kuwa na ndoto kubwa ya kuwa mwanasheria. Lakini akiiangalia familia
yake hamna wa kumtegemea wadogo zake ndiyo hivyo tena. Kuna wakati ulifika hadi akakata
tamaa kama binadamu lakini, baada ya kutafakari sana kuhusu ndoto yake hakujali tena juu ya hali aliyokuwa
nayo. Aliamua kupambana na hakutaka kuonewa huruma na mtu na aliamua kupambana ili kutimiza ndoto yake ya kuwa mwanasheria. Alifanikiwa kuwa mwanasheria wa kwanza
wa aina hiyo kuhitimu katika chuo kikuu cha Havard nchini Marekani. Na alitimiza
lengo lake la kuwa mwanasheria.
Ndugu
kama mlemavu huyu hakukata tamaa na ametimiza lengo lake, wewe mtu uliye mzima
kabisa si zaidi ?
Usije
kukata tamaa kwa sababu ya maumbile na mwonekano wa mwili wako. Pambania Ndoto zako, uzitimize. Halafu, kukata tamaa hakutatui
tatizo ujue!
Katika
hili nina mifano mingi sana ya kukuambia. Hivi unampata Nick
Juviccic ambaye, alizaliwa Tarehe 04.12.1982 Australia. Akiwa hana miguu wala
mikono. Alipitia changamoto nyigi sana kama vile, kukata tamaa, msongo wa mawazo
na nyingine kibao. Lakini alijifunza kuzishinda, kutokukata tamaa na kuendana
nazo, akafanikiwa na alianza kutoa hamasa aikiwa na umri wa miaka 19, Mwinjilisti, Mwandishi
wa vitabu, mfano wa kitabu alichoandika
ni life without limits, ana mke na
watoto wanne, mwanzilishi na mkurugenzi mtendaji wa kampuni isiyo ya kiserikali ya watu wasio na miguu wala
mikono duniani. Pia, ni mwana hamasa na amesafiri nchi nyingi sana duniani kutoa
hamasa na kuwatia moyo watu. Kama unabisha kamuulize google.
Daah!
Naandika huku nikisikitika sana, wakati mwingine Mungu mwacheni aitwe Mungu tu
jamani, hivi haya si ni maajabu kabisa asee! yaani, mtu hana miguu wala mikono
eti anahangaika kumtia moyo mtu ambaye ana mikono na miguu yote, ambaye pengine tu
alisumbuliwa na mafua, miguu kuwaka moto, kichomi, njaa, kukataliwa na wazazi, kuumwa, kufeli
mtihani, kukosa mtaji n.k.
Katika
hili nimejifunza kuwa, nguvu ana uwezo wa mtu upo ndani yake, yaani, mtu halisi ni
yule wa ndani na siyo hii miili na maumbile yetu ya nje. Haya ni sawa na nyumba tu ya
utu wetu wa ndani. Sababu tumeona watu wenye mionekano isiyo waruhusu kuendelea
lakini, hawakutaka kukata tamaa na kuwa omba omba kama wengine wanavyofanya. Sikatai kuombaomba lakini, hili nalo la kukata tamaa tuliangalie kwa jicho la tatu.Vinginevyo, tuache
masihara na kama ulifikiria kukata tamaa fikiri tena.
4.
KUSHINDWA
MARA KWA MARA;
Mtu
kama Thomas Edson karibuni kila mtu anaelewa habari zake ambaye hadi sasa
tunanufaika na ugunduzi wake wa taa (bulb). Gwiji huyu alifanya majaribio ya
kutengeneza taa mara 999 bila, kukata tamaa na raundi ya 1000 alifanikiwa
kutengeneza taa ambazo tunatumia hadi leo hii.
Lakini
kikubwa sana katika hili napenda alivyo jibu baada ya kuuliza kuwa, kwanini
ulishindwa mara 999? Alijibu na kusema sikushindwa
mara 999, ila nilijifunza njia 999 za kutokutengeneza taa kwa usahihi.
Mtu
huyu alichukulia kushindwa kwa faida na si kulalamika na kukata tamaa kama baadhi ya watu
wa sasa.
Mtu
mmoja akauliza nishindwe mara ngapi ili nikate tamaa? Hivi mtu kama huyu wewe
ungemjibuje? Rafiki! Ukiona umeshindwa siku moja acha utani endelea kufanya
kazi, mara kumi acha utani endelea kufanya kazi, wiki moja acha utani endelea
kufanya kazi, mwaka mmoja acha utani na sema endelea kufanya kazi hadi
kieleweke. Haijalishi utashindwa mara ngapi, rudi kapambane hadi kieleweke labda
kama siyo ndoto yako na hauipendi kabisa. Vinginevyo acha utani piga kazi.
Wakati
mwingine tutaangalia namna ya kufanya unapo hisi kukata tamaa!
Rafiki! ni matumaini yangu kuwa umejifunza kitu.
na kama unachangamoto katika hili pengine namna gani ya
kuondokana na adha hii wasiliana na mimi moja kwa moja kupitia mawasiliano hapo
chini naamini utasaidika.
GeT tO ThE nExT lEvEl!
Makala hii imeandaliwa na kuandikwa
na MIGONGO ELIAS Mshauri & Mwalimu Wa Saikolojia, Uchumi na
Maisha. Mwanzilishi na Mwendeshaji wa Mtandao wa addvaluetz. Karibu sana ujiongezee thamani yako.
Kwa
mawasiliano;
Whatsapp & Sim >>+255767653697 /+255783327456
Email>> eliasmigongo120@gmail.com.
Facebook>> MIGONGO ELIAS.
LinkedIn>>Migongoe.
Pinterest>>eliasmigongo.
Kama umejifunza kitu,niachie
maoni yako nitafurahi kujifunza pamoja nawe
.jpeg)
.jpg)
