HATIMA YA KIMUNGU SEHEMU YA 26.

Image
  HATIMA YA KIMUNGU SEHEMU YA 26. Ilipoishia.......... Alipomgeuza tu alishangaa kuona sura ya yule binti ni ya mbuzi. Aliogopa na kudondoka chini kwa kelele kuu alilia 'maaamaaaaaaa!!!!" Alijiokotaokota huku akiangukaanguka mpaka kwenye gari yake. Alipanda ndani ya gari na kuwasha gari. Alikimbiza gari mpaka akafika karibu na geti la nyumba ya Elvine, lakini kabla hajafika getini alishangaa kuona anaguswa mabegani ndani ya gari lake. Alitoa macho kwa uoga na mshtuko mkubwa mpaka akakosea njia na kwenda kugonga mti... Kusoma sehemu ya 25 bonyeza hapa. Sasa inaendelea......, Aligonga mti kwa nguvu mpaka naye akajipigiza kichwa kwenye usukani wa gari na gari ikaharibika sana upande wa mbele, alipona kwa neema tu kwa namna gari ilivyokuwa mwendo kasi angeweza hata kupoteza maisha lakini haikuwa hivyo. Alijikaza na kushuka kwenye gari akakimbia kuelekea kwenye nyumba ya Elvine,  njiani alikumbwa na kimbunga cha ajabu sana. Baada ya kile kimbunga kumpitia na kumzingazinga kwa muda
Comments

JIFUNZE KUJIFUNZA PART VIII.

 

JIFUNZE KUJIFUNZA  PART VIII.

KANUNI ZINAZOENDESHA KUMBUKUMBU NDANI YA AKILI YAKO.

Ndugu msomaji u hali gani! Bila sha haujambo  na unaendelea vyema, na kama si hivyo Mungu akupe wepesi katika hilo. Kama utakuwa unafuatilia somo hili la jifunze kujifunza utakumbuka kuwa  tuliishia part vii huko tumejifunza mambo  kibao na kama hujasoma au kufuatilia sehemu zilizopita ni wazi kuwa kuna vitu umekosa. Lakini habari njema kwako ni kuwa kupitia hapa hapa addvaluenetwork unakwenda kuyapata masomo yaliyopita hivyo fuatilia kupitia linki hapo chini.

Kusoma part vii bonyeza hapa

Kama ilivyo kwa bank kuhifadhi pesa, ghala kuhifadhi chakula, tank kuhifadhi maji, mtungi kuhifadhi gasi, zizi kuhifadhi mifugo, nyumba kuhifadhi watu na mali zao, flash kuhifadhi taarifa, ndivyo ilivyo kwa akili kuwa na MEMORY ya kuhifadhi taarifa na michakato mingine  ndani ya ubongo wa mwanadamu. Niseme tu kuwa hii ndiyo sehemu ambayo inatunza na kuhifadhi kumbukumbu zako, watu hukumbuka matukio mbali mbali yaliyotokea muda mfupi au mrefu kutokana na kuwepo kwa sehemu hii.

Zipo sheria na kanunia ambazo zinaendesha na kuongoza memory  katika kukumbuka na kuhifadhi taarifa. Haijarishi ni kwa namna gani utakumbuka lakini, linapokuja suala la namna memory yako inavyofanya kazi huwa kuna sheria na kanuni kadhaa zinazoongoza memory yako katika kukumbuka. Hivyo hapa tunakwenda kuangalia kanuni hizo, fuatana nami;

..............................................................

Hukumbuka kwa haraka kitu cha kwanza na cha mwisho kuingia; Hiii wakati mwingine wazungu huiita primacy and recency effect. Ambapo mtu hukumbuka kwa haraka kitu cha kwanza na cha mwisho kuingia ndani yake, na ndiyo maana kama utakumbuka somo la pili tuliaangalia wakati gani mzuri wa kuiamru akili yako na tukaona kuwa ni wakati wa kwenda kulala au baada ya kuamka, kwasababu wakati huo subconscious mind huwa iko makini kupokea taarifa. Hali hii huchangiwa na namna memory yako inavyofanya kazi. Hata katika vikao ni rahisi  kumbuka namna mlivyoanza kikao na namna kikao kilivyo malizika, au namna muhubiri alivyoaanza kuhubiri na namna alivyomaliza ni rahisi sana kukumbuka nyakati hizi mbili kuliko zingine, hii ni kutokana na kanuni hii. Sijui kama unanipata.

..............................................................

Kama itapata mifumo (patterns) na miunganiko (connections)  ya vitu  ni rahisi kuvikumbuka; Kama utakumbuka katika sehemu ya tano tulizungumza kuhusu mifumo  na miunganiko hii katika ufanyaji kazi wa akili ya mwadamu, ambayo hufanya miunganiko na mifumo kama njia ya kupita hata unapojifunza  kitu kipya hutengeneza njia na hupita katika njia ziyo. Hivi ulisha wahi kukutana na mtu ambaye umemsahau jina lake? Hapo utashangaa utaanza kuvuta kumbukumbu na kujiuliza hivi ulikutana naye wapi kwa mara ya kwanza? Alikuwa na nani? Alikwambia anaitwa nani? Pengine ukikumbuka tu kuwa mlikutanaye kwenye tukio fulani, na alikuwa na mtu fulani pengine utajikuta umemkumbuka tayari hadi jina lake. Ipo mifano mingi sana kuitaja yote muda hautoshi lakini nadhani umepata picha.

..............................................................

Hukumbuka vitu ambavyo vilikushangaza au vipo tofauti na mifumo  au miunganiko ya akili;  katika kuvuta kumbukumbu akili yako hukumbuka kwa wepesi vitu ambavyo hutokea kwa kushangaza na venye utofauti kwenye kundi husika. Hebu jiulize kwamfano ukiwa katika kikao watu wanasimama kawaida tu na kutoa hija zao, lakini akatokea mmoja akasimama na kupita mbele huku akitoa hoja zake.  Au kwenye kundi utakuta kuna waafrika 50 na mzungu mmoja ni rahisi sana kukumbuka habari za mzungu huyo hata siku nyingi zikipita kwasababu ya utofauti wake. Au watu wote wanafanya biashara moja lakini akatokea mtu mmoja akaanzisha biashara yake tofauti na wengi, mtu huyu ni rahisi sana kufahamika kwa sababu ya utofauti wake. Hapa kunajambo la kujifunza kuwa ukitaka kuwa mtu wa tofauti lazima ukubali kufanya vitu vya tofauti.

..............................................................

Uwezo wako wa kukumbuka huimarika kutokana  na kujikumbusha vitu ulivyojifunza;  kama utakumbuka kwa habari ya REPEATITION  kama moja ya silaha za kupandikiza maneno ndani ya subconscious mind kama hujasoma rudi kapitie kufuata linki hapo juu. Nasema kwamba kadiri kitu unapokifanya kwa kurudia rudia kwa muda mrefu hugeuka na kuwa tabia. Hivyo hata katika kumbu kumbu memory yako hukumbuka kitu ambacho unakifanya mara kwa mara. Wakati mwingine kadiri unavyofanya mazoezi ndivyo unavyo zidi kuimarika na kuwa imara zaidi. Au hujasikia wahenga walivyosema kuwa “Practice makes improvement”, kujifunza pekee yake hakutoshi  bali inahitajika kufanyia kazi au mazoezi kwa kile ulichojifunza. kwani kadiri  unavyojifunza na kufanyia kazi kile ulichojifunza ndivyo utakavyokuwa nguli katika eneo husika. Si unajua kujifunza ni hitaji la chini sana katika mafanikio kwenye eneo lolote lile eeh! Hivyo iwe katika kazi yako yeyote ile ongeza maarifa hutabaki kama ulivyo.

..............................................................

Rafiki, ni matumaini yangu kuwa umejifunza kitu.

na kama unachangamoto katika hili pengine namna gani ya kuondokana na adha hii sasa waweza kuwasiliana na mimi moja kwa moja kupitia mawasiliano hapo chini naamini utasaidika.

GeT tO ThE nExT lEvEl!

Makala hii, imeandaliwa na kuandikwa na MIGONGO ELIAS Mshauri & Mwalimu Wa Saikolojia, Uchumi na Maisha. Mwanzilishi na Mwendeshaji wa Mtandao wa addvaluenetwork. Karibu sana ujiongezee thamani yako.

Kwa mawasiliano;

Whatsapp & Sim >>+255767653697 /+255783327456

Email>> eliasmigongo120@gmail.com.

Facebook>> MIGONGO ELIAS.

LinkedIn>> Migongoe.

Instagram>> migongo_elias.

Pinterest>> eliasmigongo.

Kama umejifunza kitu, niachie maoni yako nitafurahi kujifunza pamoja nawe.

 

Popular posts from this blog

GHARAMA 5 ZA KUUFIKIA UKUU UNAOUTAKA.

Image
GHARAMA 5 ZA KUUFIKIA UKUU UNAOTAKA.   “Ukiona vya elea, ujue vimeundwa.” “Hakuna vya bure duniani.” “Mkono mtupu haulambwi.”   Hizi ni baadhi ya kauli ambazo zimeenea karibia kila kona ya dunia. Na lengo lake si kutukomoa au kutusema vibaya, laah hasha! Bali   ni kutaka kutuonyesha kuwa katika kuyafikia mafanikio tunayoyataka ni lazima tulipe gharama. Kumekuwa na kasumba ya watu wengi sana kutamanani mafanikio makubwa na kufika mbali sana katika maisha yao. Lakini pamoja na kutamani huko, asilimia kubwa ya watu bado kuufikia ukuu wanao utaka imekuwa ni gumuzo mtaani. Watu wengi wanatamani sana mafanikio ya baadhi ya watu maarufu na waliofanikiwa katika maisha yao au kutimiza ndoto zao. Na hapa wengi wamekuwa wadau na wapambe wa mafanikio ya watu waliofanya vizuri kwa nafasi zao. Wakati huo, huwa wanaona kama watu wengine wanabahati, wamezaliwa na na neema kuliko watu wengine, na mara nyingi wameyachukulia maisha kuwa ni simpo sana. watu wa namna hii, huchukulia mafanikio ni kitend
Read more

USIKUBALI KUAJIRIWA KABLA HUJASOMA HAPA.

Image
  USIKUBALI KUAJIRIWA KABLA HUJASOMA HAPA. Katika dunia hii ambayo watu wanalaumu ya kwamba vyuma vimekaza, imekuwa ni hulka ya watu wengi kutamani sana kuajiriwa. Walau, mkono uende kinywani tu mengine yatajipa mbele kwa mbele. Ajira imekuwa kimbilio kwa walio wengi. Wasome mamia kwa maelfu wanatembea na bahasha mkononi wakisaka ajira. Wasio na elimu wanataka ajira, wakubwa kwa wadogo, wake kwa waume wanataka ajira, walioko ajirani hawataki kustaafu. Hali kama hii imefanya tatizo la ukosefu wa ajira kuongezeka.  Nakumbuka kuna tangazo la ajira lilitoka, alikuwa anahitajika mtu mmoja lakini, walio omba maombi hayo walikuwa watu 824. Ikumbukwe hapo anahitajika mtu mmoja tu! Just to give you the picture .  Katika hili nikwambie tu kuwa ajira ni chache kama wengi wanavyosema, lakini kazi zipo  nyingi sana kuliko unavyodhani. Sema watu hawataki kufanya kazi ila wanataka kuajiriwa.  Hiki kitu tutakijadili wakati mwingine lakini, mimi kama mimi siyo kwamba napinga watu kuomba ajira au
Read more

SIRI ILIYOPO NYUMA YA TABASAMU.

Image
SIRI ILIYOPO NYUMA YA TABASAMU. “ Sometimes your joy is the source of your smile, but sometimes your smile can be the source of your joy.” Wakati mwingine furaha yako ni chanzo cha tabasamu lako, lakini pia tabasamu lako linaweza kuwa chanzo cha furaha yako. Tunaishi kwenye dunia ambayo watu wamevurugwa na maisha, huku wakiwa bize au sirious na maisha yao.   kana kwamba kuona tabasamu na furaha yao imekuwa ni adimu sana. kwa kawaida tabasamu na kucheka huwa ni viashiria vionekanavyo katika kuonyesha au kuashiria furaha, licha ya kuwa vipo viashiria vingine lakini tabasamu na kicheko hutafsirika mapema kama viashiria vya furaha. Wakati mwingine mtu anaweza akacheka na kutabasamu lakini akawa na machungu ndani yake goja tuachane nayo leo hii. Tafti zinaonyesha kuwa mtoto mdogo mwenye umri wa miaka 4-6 hucheka mara 300-400 kwa siku huku mtu mzima hucheka mara 15 tu kwa siku huu ni utafri ambao haujathibitishwa. Lakini kilichothibitishwa ni kwamba kucheka na kutabasamu kunaimarisha mai
Read more